બાઈકની ટક્કરે 13 વર્ષીય કિશોર ગંભીર:ગોધરાના ડોક્ટરના મુવાડા માર્ગ પર અકસ્માત;ગોધરા સિવિલ ખસેડાયો

ગોધરા તાલુકાના ડોક્ટરના મુવાડા માર્ગ પર એક માર્ગ અકસ્માતમાં 13 વર્ષીય કિશોર ગંભીર રીતે ઘવાયો છે. પૂરઝડપે અને બેદરકારીપૂર્વક આવી રહેલા બાઈકચાલકે પગપાળા જઈ રહેલા કિશોરને ટક્કર મારી હતી. ઈજાગ્રસ્ત કિશોરનું નામ જયરાજ મુકેશભાઈ બારીયા છે. બાઈકની ટક્કરથી તેને પગ અને માથાના ભાગે ગંભીર ઈજાઓ પહોંચી હતી. અકસ્માત બાદ આસપાસના લોકો તાત્કાલિક ઘટનાસ્થળે દોડી આવ્યા હતા. તેમણે ઈજાગ્રસ્ત કિશોરને તાત્કાલિક સારવાર માટે ગોધરા સિવિલ હોસ્પિટલ ખસેડ્યો હતો. હાલ જયરાજને સિવિલ હોસ્પિટલમાં સારવાર આપવામાં આવી રહી છે. આ ઘટનાને પગલે સ્થાનિકોમાં ચકચાર મચી ગઈ છે.