ચોટીલા હાઈવે પર વિદેશી દારૂ સાથે 2 લોકો પકડાયા:અમદાવાદ-રાજકોટ હાઈવે પરથી 2238 નંગ દારૂ-બીયર અને 9.14 લાખનો મુદ્દામાલ જપ્ત

સુરેન્દ્રનગર લોકલ ક્રાઇમ બ્રાન્ચે ચોટીલાના અમદાવાદ-રાજકોટ હાઈવે પરથી વિદેશી દારૂનો મોટો જથ્થો ઝડપી પાડ્યો છે. સાંગાણી ગામના પુલ પાસેથી પોલીસે 2238 નંગ દારૂ અને બીયરના ટીન સાથે બે આરોપીઓને પકડ્યા છે. જપ્ત કરાયેલા મુદ્દામાલની કુલ કિંમત 9.14 લાખ રૂપિયા છે. મળતી માહિતી મુજબ, ચોક્કસ બાતમીના આધારે પોલીસે મહિન્દ્રા બોલેરો પીકઅપ ગાડીને રોકી હતી. ગાડીમાંથી 1728 નંગ વિદેશી દારૂની બોટલો કિંમત રૂ. 2,74,560 અને 960 નંગ બીયર ટીન કિંમત રૂ. 1,20,000 મળી આવ્યા હતા. આ ઉપરાંત, 2 મોબાઈલ ફોન કિંમત રૂ. 20,000 અને 5 લાખ રૂપિયાની બોલેરો પીકઅપ ગાડી પણ જપ્ત કરવામાં આવી હતી. પકડાયેલા આરોપીઓમાં ભીમગઢના મિતુલભાઈ ગોહિલ અને સાલખડાના દેવરાજભાઈ ચૌહાણનો સમાવેશ થાય છે. આ કેસમાં મધ્યપ્રદેશનો રાજુભાઈ નામનો એક આરોપી ફરાર છે.