શેર બજારમાં સતત બીજા દિવસે તેજી, સેન્સેક્સમાં 308 પોઈન્ટનો ઉછાળો અને નિફ્ટી 23,000 ને પાર

ભારતીય શેરબજારમાં શુક્રવારે સતત બીજા દિવસે તેજી જોવા મળી હતી. આઈટી અને ફાર્મા શેરોમાં ખરીદીને કારણે બજાર લીલા નિશાનમાં બંધ થયું હતું. કારોબારના અંતે નિફ્ટી 23,000ના મહત્વના સ્તરને પાર કરી ગયો હતો, જ્યારે સેન્સેક્સમાં 308થી વધુ પોઈન્ટનો ઉછાળો નોંધાયો હતો. જોકે, મિડકેપ અને સ્મોલકેપ શેરોમાં વેચવાલીના કારણે બજારની તેજી મર્યાદિત રહી હતી. કારોબારના અંતે BSE સેન્સેક્સ 308.49 પોઈન્ટ એટલે કે 0.42 ટકા વધીને 74,459.53ના સ્તરે બંધ થયો હતો. બીજી તરફ, નેશનલ સ્ટોક એક્સચેન્જનો નિફ્ટી 50 પણ 116.35 પોઈન્ટ એટલે કે 0.51 ટકાની તેજી સાથે 23,053.10ના મહત્વના સ્તરને પાર કરીને બંધ થયો હતો. જોકે, મોટા અને અગ્રણી શેરોમાં તેજી હોવા છતાં વ્યાપક બજારમાં વેચવાલીનું દબાણ જોવા મળ્યું હતું. બજારમાં કુલ 1,311 શેરોમાં તેજી નોંધાઈ હતી, જ્યારે 2,862 શેરોમાં ઘટાડો થયો હતો અને 170 શેરો યથાવત ભાવે બંધ થયા હતા. આઈટી અને ફાર્મા સેક્ટરમાં જોરદાર તેજી સેક્ટર પ્રમાણે નજર કરીએ તો આઈટી અને ફાર્મા સેક્ટરે બજારની તેજીને આગળ વધારવામાં મહત્વની ભૂમિકા ભજવી હતી. બીજી તરફ વ્યાપક બજારના સ્મોલકેપ અને મિડકેપ ઇન્ડેક્સ પાછળ રહ્યા હતા. આઈટી શેરોમાં ચારે તરફ ખરીદીને કારણે નિફ્ટી આઈટી ઇન્ડેક્સ 2.32 ટકાની જોરદાર તેજી સાથે 32,606.90ના સ્તરે બંધ થયો હતો. ફાર્મા સેક્ટરમાં પણ 1.55 ટકાનો ઉછાળો નોંધાયો હતો. જ્યારે કન્ઝ્યુમર ડ્યુરેબલ્સમાં 1.78 ટકા, પીએસયુ બેન્કમાં 0.93 ટકા, મીડિયા સેક્ટરમાં 1.46 ટકા અને એનર્જી સેક્ટરમાં 1 ટકાથી વધુનો ઘટાડો નોંધાયો હતો. આ ઉપરાંત ઓટો સેક્ટર 0.87 ટકા, નિફ્ટી બેન્ક 0.41 ટકા, એફએમસીજી 0.62 ટકા, મેટલ 0.54 ટકા અને રિયલ્ટી સેક્ટર 0.72 ટકા ઘટીને લાલ નિશાનમાં બંધ થયા હતા. ટ્રેન્ટ, ઇન્ડિગો અને ઇન્ફોસિસના શેરમાં તેજી નિફ્ટી 50ના શેરોમાં શુક્રવારે કેટલાક અગ્રણી શેરોનું પ્રદર્શન શાનદાર રહ્યું હતું. ટ્રેન્ટનો શેર 5.44 ટકાની જોરદાર તેજી સાથે ₹3,017.30 પર બંધ થયો હતો. ઇન્ટરગ્લોબ એવિએશનનો શેર 4.33 ટકા વધીને ₹4,877.60 પર પહોંચ્યો હતો. આ ઉપરાંત ઇન્ફોસિસના શેરમાં 3.36 ટકા, એપોલો હોસ્પિટલ્સમાં 3.02 ટકા, પાવરગ્રીડમાં 1.92 ટકા, એનટીપીસીમાં 1.85 ટકા, એચસીએલ ટેકમાં 1.72 ટકાનો ઉછાળો નોંધાયો હતો. સન ફાર્માનો શેર પણ મુખ્ય ટોપ ગેઇનર્સમાં સામેલ રહ્યો હતો. બીજી તરફ, શ્રીરામ ફાઇનાન્સનો શેર 2.13 ટકા ઘટીને સૌથી વધુ નુકસાન નોંધાવનારો શેર રહ્યો હતો. આ ઉપરાંત મહિન્દ્રા એન્ડ મહિન્દ્રામાં 1.72 ટકા, અદાણી પોર્ટ્સમાં 1.18 ટકા, અલ્ટ્રાટેક સિમેન્ટમાં 1.16 ટકા, ટાટા સ્ટીલમાં 1.10 ટકા, અદાણી એન્ટરપ્રાઇઝિસમાં 1.09 ટકા અને કોલ ઇન્ડિયાના શેરમાં 1.04 ટકાનો ઘટાડો નોંધાયો હતો.