અમદાવાદમાં શેરબજારમાં રોકાણના નામે 50 કરોડથી વધુનું કૌભાંડ: ગેંગના 4 સાગરીતો ઝડપાયા, દુબઈ કનેક્શન ખુલ્યું

અમદાવાદ સાયબર ક્રાઈમે શેરબજારમાં રોકાણના નામે 67.92 લાખની છેતરપિંડી આચરનાર ચાર આરોપીઓને વડોદરા અને અમદાવાદમાંથી ઝડપ્યા છે. આ ગેંગે 'જુલિયસ બેર'ના નામે નકલી એપ્સ બનાવી, SEBIના ફેક સર્ટિફિકેટ દ્વારા ઊંચા વળતરની લાલચ આપી હતી. નાણાં પરત માંગતા ટેક્સના નામે વધુ રકમની માંગણી કરી હતી. આંતરરાષ્ટ્રીય રેકેટના દુબઈ સ્થિત મુખ્ય સૂત્રધારો સાથે સ્થાનિક નેટવર્ક સંભાળતા આરોપીઓ પાસેથી 30થી વધુ બેંક એકાઉન્ટ કિટ્સ મળી છે.