ભાવનગર દારૂકાંડ બાદ અમદાવાદ પોલીસ દોડતી થઈ: ગ્રામ્યના 500 ગામડાંમાં સર્ચ ઓપરેશન, 177 ગુના નોંધાયા!

ભાવનગરમાં ઝેરી દારૂથી થયેલા મોત બાદ અમદાવાદ ગ્રામ્ય પોલીસે બુટલેગરો સામે સઘન કોમ્બિંગ ઓપરેશન હાથ ધર્યું છે. મંગળવારે રાતથી 800 પોલીસકર્મીઓએ 500થી વધુ ગામો અને સંવેદનશીલ રૂટ પર ચેકિંગ કર્યું. રાતભરમાં દારૂ અંગેના 177 કેસ નોંધી પોલીસે બુટલેગરોમાં ફફડાટ મચાવ્યો છે. પોલીસે શંકાસ્પદ રોયલ સ્ટેગ બ્રાન્ડનો દારૂ ન પીવા અપીલ કરી છે.