Ahmedabad એરપોર્ટ પરથી ઝડપાયો રૂ.5.5 કિલોથી વધુનો હાઇડ્રોપોનિક ગાંજો!

અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ પર કસ્ટમ્સ વિભાગની એર ઈન્ટેલિજન્સ યુનિટ (AIU) એ નાર્કોટિક્સ વિરોધી મોટો દરોડો પાડીને કરોડોની કિંમતનો હાઇડ્રોપોનિક ગાંજો પકડી પાડ્યો છે. વિદેશથી ટ્રાફિકિંગ કરીને લાવવામાં આવી રહેલો કુલ 5,519.7 ગ્રામ (આશરે 5.5 કિલોથી વધુ) ઉચ્ચ ગુણવત્તા ધરાવતો હાઇડ્રોપોનિક ગાંજો કસ્ટમ્સની ટીમે સફળતાપૂર્વક જપ્ત કર્યો છે. હેન્ડ બેગેજમાં કૂકીઝના પેકેટમાં છુપાવ્યા હતા પાર્સલ કસ્ટમ્સ વિભાગની પ્રાથમિક તપાસમાં સામે આવ્યું છે કે આ ડ્રગ્સનો જથ્થો હો ચી મિન્હ સિટી (વિયેતનામ) થી અમદાવાદ એરપોર્ટ પર પહોંચેલા એક મુસાફર પાસેથી મળી આવ્યો હતો. શંકાના આધારે મુસાફરના હેન્ડ બેગેજની તલાશી લેવામાં આવતાં તેમાંથી એલ્યુમિનિયમ ફોઇલમાં અત્યંત સફાઈપૂર્વક પેક કરેલા 24 જેટલા પેકેટો મળી આવ્યા હતા. આરોપીએ તપાસ ટીમને ગેરમાર્ગે દોરવા માટે કૂકીઝના ત્રણ બોક્સ અને કોર્ન ફ્લેક્સના પેકેટમાં આ ડ્રગ્સ છુપાવ્યું હતું. NDPS એક્ટ હેઠળ મુસાફરની ધરપકડ આરોપી મુસાફર સામે નાર્કોટિક ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટ હેઠળ ગુનો નોંધીને ડ્રગ્સનો જથ્થો કબ્જે કરવામાં આવ્યો છે. કસ્ટમ્સ વિભાગે મુસાફરની વિધિવત ધરપકડ કરીને આંતરરાષ્ટ્રીય ડ્રગ્સ નેટવર્કના મૂળ સુધી પહોંચવા માટે ઊંડાણપૂર્વકની તપાસ હાથ ધરી છે. આ ગેરકાયદેસર જથ્થો અમદાવાદમાં કોને ડિલિવર કરવાનો હતો તે અંગે પણ પૂછપરછ શરૂ કરવામાં આવી છે. ગુજરાતના વધુ સમાચાર વાંચવા માટે ક્લિક કરો