અમદાવાદ: મેટ્રો કોર્ટ પરિસરમાં જ આધેડનો આત્મવિલોપનનો પ્રયાસ, ભરણપોષણના કેસથી કંટાળી ભર્યું પગલું!

અમદાવાદના ઘી કાંટા મેટ્રો કોર્ટમાં ગુરુવારે 54 વર્ષીય પરાગ શાહે આત્મવિલોપનનો પ્રયાસ કર્યો હતો. ભરણપોષણના રિકવરી વોરંટને લઈને સવારે 11 વાગ્યે તેમણે પોતાના શરીર પર પેટ્રોલ છાંટી દિવાસળી ચાંપી હતી. સદનસીબે એક નોટરીએ પાણી છાંટી આગ બુઝાવી હતી. ઇજાગ્રસ્ત પરાગભાઈને સિવિલ હોસ્પિટલ ખસેડાયા હતા. કારંજ પોલીસે વધુ તપાસ હાથ ધરી છે.