અમદાવાદ રેલવે ડિવિઝનમાં ભ્રષ્ટાચાર!, ઓડિયો પુરાવા છતાં લાંચિયા અધિકારીને બચાવવા માઇનર ચાર્જશીટ આપી લીપાપોતી

પશ્ચિમ રેલવેના અમદાવાદ ડિવિઝનના કોમર્શિયલ વિભાગમાં ભ્રષ્ટાચારનો પર્દાફાશ થયો છે. અસારવા રેલવે સ્ટેશન પર ગેરકાયદે ઉઘરાણી અને લાંચના કેસમાં ઓડિયો-કોલ ડિટેઇલ્સના પુરાવા છતાં, ચીફ પાર્સલ સુપરવાઇઝરને બચાવવા માઇનર ચાર્જશીટ આપી લીપાપોતી કરાઈ. મધ્યપ્રદેશના મોહમ્મદ ઇલિયાસ ખાને DRM સમક્ષ ફરિયાદ કરી હતી કે, નિયમિતપણે ગેરકાયદે નાણાંની માંગણી કરાતી હતી. આથી, રેલવે પ્રશાસનની પારદર્શિતા સામે સવાલો ઉભા થયા છે.