વલસાડમાં વિદ્યાર્થીઓએ ચિત્રકામ-વકૃત્વ સ્પર્ધામાં વિચારો વ્યક્ત કર્યા:સેવા સંકલ્પ અભિયાન અંતર્ગત વિકસિત ભારત @2047નો સંકલ્પ મજબૂત બનાવવાનો સંદેશ અપાયો

વલસાડમાં સેવા સંકલ્પ અભિયાન હેઠળ સર્વોદય હાઈસ્કૂલમાં જિલ્લા કક્ષાની ચિત્રકામ અને વકૃત્વ સ્પર્ધા યોજાઈ હતી. આ સ્પર્ધામાં જિલ્લાના અલગ અલગ વિસ્તારોમાંથી આવેલા વિદ્યાર્થીઓએ ઉત્સાહથી ભાગ લીધો હતો. ચિત્રકામ સ્પર્ધામાં વિદ્યાર્થીઓએ પોતાની કલ્પના અને સર્જનાત્મકતાથી અલગ અલગ વિષયો પર ચિત્રો દોરી રંગો દ્વારા વિચારો રજૂ કર્યા. વકૃત્વ સ્પર્ધામાં વિદ્યાર્થીઓએ આત્મવિશ્વાસ સાથે પોતાના વિચારો વ્યક્ત કરી સમાજ, દેશ અને યુવા શક્તિની ભૂમિકા વિશે વાત કરી. આ સ્પર્ધાનો હેતુ વિદ્યાર્થીઓની પ્રતિભા અને સર્જનાત્મકતાને પ્રોત્સાહન આપવાનો હતો. યુવાનોમાં રાષ્ટ્રનિર્માણની ભાવના વધે અને તેમના વિચારોથી 'વિકસિત ભારત @2047'ના સંકલ્પને વધુ મજબૂત બનાવી શકાય તેવો સંદેશ અપાયો હતો.