Bhavnagar દારૂકાંડ બાદ પોરબંદર પોલીસ એક્શનમાં, બરડા ડુંગરમાં દેશી દારૂની ભઠ્ઠી ઝડપાઈ

ભાવનગરમાં સર્જાયેલા દારૂકાંડની ગંભીર ઘટના બાદ સમગ્ર રાજ્યનું પોલીસ તંત્ર ભારે હરકતમાં આવ્યું છે. જેના પગલે પોરબંદર જિલ્લા પોલીસ પણ બુટલેગરો અને અસામાજિક પ્રવૃત્તિઓ સામે અત્યંત આક્રમક મૂડમાં જોવા મળી રહી છે. જિલ્લામાં ગેરકાયદેસર રીતે ચાલતા દારૂના અડ્ડાઓ અને ભઠ્ઠીઓ પર આકરા પ્રહારો કરવા માટે પોરબંદર પોલીસે ખાસ ઝુંબેશ શરૂ કરી છે અને સંવેદનશીલ વિસ્તારોમાં સઘન ચેકિંગ હાથ ધરવામાં આવી રહ્યું છે. બરડા ડુંગર વિસ્તારમાં LCBના દરોડા અને ભઠ્ઠીનો નાશ આ ઝુંબેશ અંતર્ગત પોરબંદર LCB (LCB)ની ટીમે બાતમીના આધારે બરડા ડુંગરના ઊંડાણપૂર્વકના વિસ્તારમાં દરોડો પાડ્યો હતો. આ દરોડા દરમિયાન પોલીસે ડુંગરાળ વિસ્તારમાં છુપાઈને ચલાવવામાં આવતી દેશી દારૂની ભઠ્ઠી ઝડપી પાડી હતી. પોલીસે ઘટનાસ્થળેથી દેશી દારૂ બનાવવા માટે ઉપયોગમાં લેવાતો લિક્વિડ, કેમિકલયુક્ત આથો તેમજ ભઠ્ઠીના સાધન-સામગ્રીનો સ્થળ પર જ નાશ કરીને ગેરકાયદેસર પ્રવૃત્તિને ફટકો આપ્યો હતો. બુટલેગરો અને સંડોવાયેલા તત્વો સામે તપાસનો ધમધમાટ આ દેશી દારૂની ભઠ્ઠી કોના દ્વારા ચલાવવામાં આવી રહી હતી અને આ સમગ્ર ગેરકાયદેસર નેટવર્કમાં અન્ય કયા સ્થાનિક બુટલેગરો કે અસામાજિક તત્વો સંડોવાયેલા છે તે દિશામાં પોરબંદર LCB પોલીસે આગળની ઊંડાણપૂર્વકની તપાસ હાથ ધરી છે. આ ગુનામાં સામેલ મુખ્ય સત્રો અને આરોપીઓને ઝડપી પાડવા માટે પોલીસે ટીમો બનાવીને શોધખોળ શરૂ કરી છે, જેથી પંથકમાં દારૂના દૂષણને સંપૂર્ણપણે નાથી શકાય. આ પણ વાંચો : Ahmedabad News : નિતિન નવીનની નવી ટીમની પ્રથમ બેઠક, ગુજરાતથી ડેપ્યુટી CM હર્ષ સંઘવી રહેશે ઉપસ્થિત