ભરૂચમાં શ્રવણ સ્કૂલના વિદ્યાર્થીઓએ બનાવી માનવ રંગોળી:વડાપ્રધાનના જન્મદિવસ નિમિત્તે ‘વિકસિત ભારત-2047’ની થીમ પર અનોખી પ્રસ્તુતિ

ભરૂચના માતરિયા તળાવ ખાતે શ્રવણ સ્કૂલના વિદ્યાર્થીઓએ માનવ રંગોળી બનાવી. આ કાર્યક્રમ જિલ્લા શિક્ષણ અધિકારીની કચેરીના માર્ગદર્શન હેઠળ ‘વિકસિત ભારત-2047’ની થીમ પર યોજાયો હતો. વડાપ્રધાન નરેન્દ્ર મોદીના જન્મદિવસ નિમિત્તે આયોજિત જનજાગૃતિ કાર્યક્રમોના ભાગરૂપે આ પ્રસ્તુતિ થઈ. વિદ્યાર્થીઓએ માનવ રંગોળી દ્વારા 2047 સુધીમાં ભારતને વિકસિત રાષ્ટ્ર બનાવવાનો સંકલ્પ રજૂ કર્યો. ભરૂચના ધારાસભ્ય રમેશ મિસ્ત્રીએ જણાવ્યું કે, 2047 સુધીમાં દેશને વિકસિત બનાવવા આવા જાગૃતિ કાર્યક્રમો જરૂરી છે. તેમણે વિદ્યાર્થીઓની વિકાસલક્ષી અભિયાનોની રજૂઆતની પ્રશંસા કરી. આ આયોજન વૈભવ બિનીવાલે અને શિક્ષણ વિભાગના અધિકારીઓ દિવ્યેશ પટેલ, ચંદ્રિકાબેન, જૈમિનીબેનના માર્ગદર્શન હેઠળ થયું. વિદ્યાર્થીઓએ શિસ્તબદ્ધ રીતે રંગોળી બનાવી પોતાની સર્જનાત્મકતા અને દેશભક્તિ દર્શાવી.