બોટાદમાં ટ્રાફિક પોલીસે વાહન ચેકિંગ ડ્રાઈવ કરી:નિયમભંગ કરનાર વાહનચાલકો સામે કાર્યવાહી, સ્થળ પર દંડ ફટકારાયો

બોટાદ જિલ્લા ટ્રાફિક પોલીસે વાહન ચેકિંગ ડ્રાઈવ હાથ ધરી હતી. આ કાર્યવાહી શહેર ઉપરાંત ગઢડા, બરવાળા અને રાણપુર વિસ્તારમાં કરવામાં આવી હતી. બોટાદ શહેરમાં સાળંગપુર રોડ, હવેલી ચોક, જ્યોતિગ્રામ સર્કલ અને ગઢડા રોડ જેવા મુખ્ય વિસ્તારોમાં વાહનચાલકોનું સઘન ચેકિંગ કરાયું હતું. ચેકિંગ દરમિયાન સીટ બેલ્ટ ન પહેરનાર, લાયસન્સ વિના વાહન ચલાવનાર તેમજ વાહનોમાં બ્લેક ફિલ્મ લગાવનાર સામે દંડાત્મક કાર્યવાહી કરાઈ હતી. બ્લેક ફિલ્મ લગાવેલા વાહનોમાંથી સ્થળ પર જ બ્લેક ફિલ્મ ઉતારી લેવામાં આવી હતી અને નિયમભંગ બદલ દંડ ફટકારાયો હતો. ટ્રાફિક પોલીસે વાહનચાલકોને ટ્રાફિક નિયમોનું પાલન કરવા અપીલ કરી હતી.