બટરફ્લાય સ્કૂલમાં નવરાત્રી ગરબા હરીફાઈ:બાળકોમાં સંસ્કૃતિ પ્રેમ અને કલાત્મક પ્રતિભા પ્રોત્સાહન માટે 200થી વધુએ ભાગ લીધો

સુરેન્દ્રનગરની બટરફ્લાય સ્કૂલમાં બાળકોમાં સંસ્કૃતિ અને પરંપરાઓ પ્રત્યે પ્રેમ જગાડવા તેમજ તેમની કલાત્મક પ્રતિભાને પ્રોત્સાહન આપવા નવરાત્રી ગરબા હરીફાઈ યોજાઈ હતી. આ હરીફાઈમાં 200થી વધુ બાળકોએ ઉત્સાહથી ભાગ લીધો. તેમણે પોતાની ગરબા કળા, તાલ અને લયબદ્ધ પ્રસ્તુતિથી બધાને પ્રભાવિત કર્યા. શાળાના પ્રિન્સિપાલ જિજ્ઞા પંડ્યા અને સ્ટાફ મિત્રોએ કાર્યક્રમને સફળ બનાવવામાં સહયોગ આપ્યો. ડો. મીનાક્ષીબેન અને હીર વરલાનીએ નિર્ણાયક તરીકે કામ કર્યું. બાળકોના ઉત્સાહ, આત્મવિશ્વાસ અને રંગબેરંગી પરંપરાગત પોશાકોએ વાતાવરણને નવરાત્રીમય બનાવ્યું હતું. આવા કાર્યક્રમો બાળકોમાં આત્મવિશ્વાસ અને સ્પર્ધાની ભાવના વધારે છે.