દાહોદ નજીક માલગાડી વેગન પાટા પરથી ઊતરી જતા દોડધામ

દાહોદમાં આજે સાંજે 7:30 વાગ્યે જેકોટ અને મંગલમહુડી વચ્ચે માલગાડીનો એક ડબ્બો પાટા પરથી ઉતરી ગયો હતો. આ ઘટનાને કારણે ટ્રેન વ્યવહાર ખોરવાયો હતો, જેથી પશ્ચિમ એક્સપ્રેસ અને ગોરખપુર ટ્રેનોને રોકવી પડી હતી. સદનસીબે, કોઈ જાનહાનિ થઈ નથી. રેલવેની ઇમરજન્સી ટીમ અને ટેકનિકલ નિષ્ણાતો ઘટનાસ્થળે પહોંચી ગયા હતા અને પાટા પરથી ઉતરેલા ડબ્બાને ફરી પાટા પર ચઢાવવાની કામગીરી ચાલી રહી છે.