DUSU ચૂંટણીમાં ABVPનો દબદબો, અધ્યક્ષ સહિત ત્રણ પદો પર વિજય, અપક્ષ ઉમેદવાર દીપાંશુ શૌકીને ઉપાધ્યક્ષનું પદ જીત્યું

DUSU Election Result 2026 : હાઇ-પ્રોફાઇલ દિલ્હી યુનિવર્સિટી સ્ટુડન્ટ્સ યુનિયન (DUSU) ના ચૂંટણી પરિણામોમાં ભાજપ સાથે જોડાયેલા વિદ્યાર્થી સંગઠન ABVP એ શાનદાર પ્રદર્શન કરતા કેન્દ્રીય પેનલના ચારમાંથી ત્રણ પદો પર જીત મેળવી છે. ABVP એ પ્રમુખ, સચિવ અને સંયુક્ત સચિવના ત્રણ મુખ્ય પદો પર જીત મેળવી છે, જ્યારે અપક્ષ ઉમેદવાર દીપાંશુ શૌકીન ઉપપ્રમુખ પદ પર બાજી મારી છે. કોંગ્રેસ સમર્થિત NSUI ને આ ચૂંટણીઓમાં કારમો પરાજયનો સામનો કરવો પડ્યો છે. તે એકપણ પદ જીતી શકી નથી. ABVP એ પ્રમુખ, સચિવ અને સંયુક્ત સચિવ પદ પર જીત મેળવી કોંગ્રેસ ચાર કેન્દ્રીય પેનલ પદોમાંથી એક પણ પદ જીતી શકી નહીં, જ્યારે ABVP એ પ્રમુખ, સચિવ અને સંયુક્ત સચિવના મુખ્ય પદો પર જીત મેળવી છે. ABVP ના યશ ડબાસને પ્રમુખ પદ માટે 24,576 મત મળ્યા. યશ ડબાસે NSUI ના વિજય શંકર મીણાને 2,053 મતોના માર્જિનથી હરાવ્યો હતો. વિજય મીણાને 22,523 મત મળ્યા હતા. અપક્ષ ઉમેદવાર દીપાંશુ શૌકીન ઉપપ્રમુખ પદ પર વિજયી અપક્ષ ઉમેદવાર દીપાંશુ શૌકીન મોટો અપસેટ સર્જતા 30,615 મતો સાથે ઉપપ્રમુખ પદ પર વિજયી થયો છે. તેને NSUI તરફથી ટિકિટ ન મળતાં અપક્ષ ઉમેદવાર તરીકે ચૂંટણી લડી હતી. સેન્ટ્રલ પેનલના મહત્વપૂર્ણ ઉપાધ્યક્ષ પદ માટે અપક્ષ ઉમેદવાર તરીકે આ વિજય આશ્ચર્યજનક માનવામાં આવી રહ્યો છે. ગયા વર્ષે ABVP એ પ્રમુખ, સચિવ અને સંયુક્ત સચિવ પદ પર જીત મેળવી હતી, જ્યારે NSUI એ ઉપપ્રમુખ પદ પર જીત મેળવી હતી. Congratulations to all my young friends at Delhi University on ABVP’s historic victory in the DUSU elections! This victory reflects the youth’s continued faith in positive and constructive student politics, rooted in the spirit of Nation First, and their strong resolve to... pic.twitter.com/Q7DdxqahWZ — Nitin Nabin (@NitinNabin) September 19, 2026 NSUI ને ફટકો સંયુક્ત સચિવ પદ માટે ABVP ના ઉમેદવાર લક્ષ્ય રાજ ​​સિંહને 16,615 મત મળ્યા હતા, જ્યારે સમાજવાદી છાત્ર સભાના ઉમેદવારને 15,778 મત મળ્યા હતા. દિલ્હી યુનિવર્સિટી વિદ્યાર્થી સંઘના સચિવ પદ માટે, ABVP ઉમેદવાર રિયા છાવડીને 21,650 મત મળ્યા હતા, જ્યારે NSUI ઉમેદવારને 14,869 મત મળ્યા હતા. આ ચૂંટણી પરિણામ કોંગ્રેસ સમર્થિત NSUI માટે મોટો આંચકો માનવામાં આવી રહ્યો છે. NSUI એક પણ સેન્ટ્રલ પેનલ પદ જીતી શકી નથી. બંગાળ પેટાચૂંટણી : નંદીગ્રામના ઉમેદવારની ધરપકડ પર કોંગ્રેસે કહ્યું - પીછેહઠ નહીં કરીએ 3 વર્ષમાં સૌથી વધારે વોટિંગ આ વર્ષે ABVP, NSUI અને સ્ટુડન્ટ્સ ફેડરેશન ઓફ ઈન્ડિયાના ગઠબંધન સહિત મુખ્ય વિદ્યાર્થી સંગઠનોનું પ્રતિનિધિત્વ કરનાર કુલ 20 ઉમેદવારોએ DUSU ચૂંટણી લડી હતી. દિલ્હી યુનિવર્સિટીમાં DUSU ચૂંટણી માટે શુક્રવારે બે તબક્કામાં 52 મતદાન મથકો પર કુલ 40.46% મતદાન નોંધાયું હતું, જે છેલ્લા 3 વર્ષમાં સૌથી વધુ છે. ગયા વર્ષે મતદાન 39.5% થયું હતું.