એન્ટરટેઇનમેન્ટ જગતમાં ભૂકંપ! વોલ્ટ ડિઝનીની હજારો નોકરીઓ જોખમમાં, 20 ટકા ખર્ચ કાપવા આદેશ

વૉલ્ટ ડિઝની હજારો કર્મચારીઓની છટણી કરવાની તૈયારી કરી રહ્યું છે. વૈશ્વિક મનોરંજન ક્ષેત્રની આ દિગ્ગજ કંપની ખર્ચમાં મોટો કાપ મૂકવા માટે આ પગલું ભરી રહી છે. રિપોર્ટ મુજબ, ડિઝની પોતાના થીમ પાર્ક્સ, ટીવી ચેનલો અને ફિલ્મ સ્ટુડિયો સહિત વિવિધ વિભાગોમાં કર્મચારીઓની છટણી કરશે. કંપની વાર્ષિક ખર્ચમાં 20% સુધીની બચત કરવાનું લક્ષ્ય ધરાવે છે. આ બચત કરેલા ભંડોળનું રોકાણ ફિલ્મ, ટીવી પ્રોગ્રામિંગ અને ટેકનોલોજી ડેવલપમેન્ટમાં કરાશે.