ગણદેવીમાં વિકસિત ભારત 2047 અંતર્ગત રંગોળી સ્પર્ધા યોજાઈ:શાળાની દીકરીઓએ દેશભક્તિ અને સર્જનાત્મકતા દર્શાવી, ‘વિકસિત ભારત’ સહિતના વિષયો પર રંગોળી બનાવી

ગણદેવીમાં 'વિકસિત ભારત @2047' કાર્યક્રમ હેઠળ એક રંગોળી સ્પર્ધા યોજાઈ હતી. આ સ્પર્ધામાં શાળાની દીકરીઓએ પોતાની કલા અને દેશભક્તિ રજૂ કરી હતી. નવસારી જિલ્લાના ગણદેવી નગરપાલિકા મહિલા મોરચા દ્વારા ગણદેવી પ્રાથમિક કન્યા શાળા ખાતે આ સ્પર્ધાનું આયોજન કરાયું હતું. તેનો મુખ્ય વિષય 'વિકસિત ભારત @2047' હતો. સ્પર્ધામાં ભાગ લેનાર વિદ્યાર્થીનીઓએ ‘વિકસિત ભારત’, ‘ભારતીય સંસ્કૃતિ’ અને ‘આધુનિક વિજ્ઞાન’ જેવા વિષયો પર સુંદર રંગોળીઓ બનાવી હતી. તેમની કલાકૃતિઓએ સૌના દિલ જીતી લીધા હતા. કાર્યક્રમના અંતે, ભાગ લેનાર તમામ દીકરીઓને અભિનંદન અપાયા હતા. મહિલા મોરચાએ કાર્યક્રમને સફળ બનાવવા બદલ શાળા પરિવારનો આભાર માન્યો હતો.