મોરબી કલેક્ટરે કચેરીની શાખાઓ તપાસી, પેન્ડિંગ અરજીઓનો નિકાલ કરવા સૂચના:બિનખેતી, મેજિસ્ટિરિયલ શાખા અને ઈ-સરકાર, iORA પોર્ટલની કામગીરીની સમીક્ષા કરી

મોરબી જિલ્લા કલેક્ટર સ્વપ્નિલ ખરેએ કલેક્ટર કચેરીની બિનખેતી શાખા અને મેજિસ્ટિરિયલ શાખાની તપાસ કરી હતી. આ દરમિયાન તેમણે બંને શાખાઓમાં ચાલી રહેલી કામગીરીની વિગતવાર સમીક્ષા કરી. કલેક્ટરે ઈ-સરકાર, iORA અને બીજા ઓનલાઈન પોર્ટલ પર થતી કામગીરીની પણ સમીક્ષા કરી હતી. તેમણે કચેરીમાં પેન્ડિંગ રહેલી કામગીરી અને લોકોની અરજીઓનો ઝડપથી નિકાલ થાય તે માટે સંબંધિત અધિકારીઓ-કર્મચારીઓને સૂચના આપી. કલેક્ટરે અરજદારોને સમયસર અને ઝડપી સેવા મળે અને કચેરીની કામગીરીમાં વધુ કાર્યક્ષમતા જળવાઈ રહે તે અંગે પણ જરૂરી માર્ગદર્શન આપ્યું.