જુના સિંધુનગર વિસ્તારમાંથી જુગારીઓ ઝડપાયા:ઘોઘારોડ પોલીસે રૂ.4.36 લાખના મુદામાલ સાથે 6 ગેમ્બલરની ધરપકડ કરી

ભાવનગર શહેરના ઘોઘારોડ પોલીસ મથકના સ્ટાફે જૂના સિંધુનગર વિસ્તારમાં આવેલ એક મકાનમાં દરોડો પાડી જુગારધામનો પર્દાફાશ કર્યો છે. પોલીસે હાર-જીતનો જુગાર રમી રહેલા 6 શખસોની ધરપકડ કરી રોકડ રકમ તેમજ મોબાઈલ સહિત કુલ રૂ.4,36,500નો મુદ્દામાલ કબ્જે કર્યો છે. ઘોઘારોડ પોલીસને ચોક્કસ બાતમી મળી હતી કે જૂનું સિંધુનગર (ગોપાલ પાર્ક) માં રહેતો પ્રકાશ કનૈયાલાલ સોમવાણી પોતાના મકાનમાં બહારથી માણસો બોલાવી ગંજીપાના વડે તીનપત્તીનો જુગાર રમાડે છે અને સવલતો પૂરી પાડી પોતાના આર્થિક લાભ માટે નાળ ઉઘરાવે છે. બાતમીના આધારે પોલીસે સ્થળ પર દરોડો પાડી મકાનમાલિક સહિત ૬ લોકોને પૈસા અને પાના વડે જુગાર રમતા રંગેહાથ ઝડપી લીધા હતા. ઝડપાયેલા આરોપીઓ કબ્જે કરાયેલો મુદ્દામાલ ઘોઘારોડ પોલીસે તમામ આરોપીઓ વિરૂદ્ધ જુગારધારાની કલમ 4 અને 5 મુજબ ગુનો નોંધી આગળની ધોરણસરની કાર્યવાહી હાથ ધરી છે.