લીંબડીના રોહન ગાબુને અકસ્માતમાં જડબામાં ગંભીર ઈજા:ESIC હેઠળ સુરેન્દ્રનગર હોસ્પિટલમાં સફળ સારવાર કરાઈ

લીંબડી તાલુકાના અચારડા ગામના યુવક રોહન ગાબુને એક અકસ્માતમાં જડબાના ભાગે ગંભીર ઈજા પહોંચી હતી. તેમને સુરેન્દ્રનગરની શ્રીમદ રાજચંદ્ર સર્વમંગલ હોસ્પિટલ ખાતે ESIC યોજના અંતર્ગત સારવાર આપવામાં આવી હતી. હોસ્પિટલમાં ESIC લાભાર્થી માટે આ પ્રકારની ઇમરજન્સી સારવાર પ્રથમ વખત ઉપલબ્ધ થઈ હતી. આ સારવારને કારણે રોહન ગાબુને સમયસર અને યોગ્ય તબીબી સહાય મળી શકી. સામાન્ય રીતે આ પ્રકારની જડબાની ઈજાની સારવાર પાછળ અંદાજે ₹25,000 થી ₹30,000 નો ખર્ચ થતો હોય છે. જોકે, ESIC યોજના હેઠળ રોહન ગાબુને આ સારવાર કેશલેસ અથવા યોજનાના લાભ અંતર્ગત વિનામૂલ્યે મળી હતી.