મહેસાણાના કડીમાં આઠમનો મેળો માતમમાં ફેરવાયો: સૂરજ ગામે તળાવમાં નહાવા પડેલા 3 મિત્રોના ડૂબી જવાથી મોત!

મહેસાણાના કડી તાલુકાના સૂરજ ગામે જન્માષ્ટમીના મેળા બાદ ગમખ્વાર ઘટના બની. કડીથી આવેલા 2 મિત્રો અને સૂરજ ગામના 1 યુવાન, એમ કુલ 3 મિત્રો મેળા બાદ ગામના તળાવમાં ન્હાવા પડ્યા હતા. ઊંડા પાણીનો અંદાજ ન આવતા ત્રણેય ડૂબી ગયા અને કરુણ મોતને ભેટ્યા. ફાયર વિભાગે મોડી રાત્રે મૃતદેહો બહાર કાઢ્યા, પોલીસે વધુ તપાસ હાથ ધરી છે.