અરવિંદ કેજરીવાલની અપીલ મામલે હાઇકોર્ટમાં સુનાવણી, કોર્ટે કહ્યું-યોગ્ય કાર્યવાહી વગર યુનિવર્સિટી ખાનગી માહિતી જાહેર ન કરી શકે

Ahmedabad News: વડાપ્રધાન નરેન્દ્ર મોદીની ડિગ્રી જાહેર કરવાના મામલે ગુજરાત હાઈકોર્ટમાં મહત્વની સુનાવણી હાથ ધરવામાં આવી હતી. આ કેસમાં અગાઉ સિંગલ જજની બેન્ચે દિલ્હીના પૂર્વ મુખ્યમંત્રી અરવિંદ કેજરીવાલ પર 25 હજાર રૂપિયાનો દંડ ફટકાર્યો હતો, જેની સામે કેજરીવાલે ડબલ જજની બેન્ચ સમક્ષ અપીલ કરી છે. આ મામલે સુનાવણી દરમિયાન સોલિસિટર જનરલ તુષાર મહેતાએ ગુજરાત યુનિવર્સિટીનો પક્ષ રજૂ કરતા આકરા વલણ સાથે દલીલો કરી હતી. કોર્ટે કહ્યું હતું કે, યોગ્ય કાર્યવાહી વગર યુનિવર્સિટી ખાનગી માહિતી જાહેર ન કરી શકે. વધુ સુનાવણી 21 સપ્ટેમ્બરના રોજ હાથ ધરવામાં આવશે.