લાલપુરમાં દીપ વિતરણ:સેવા સંકલ્પ અભિયાન હેઠળ ઘરે ઘરે દીપ પ્રગટાવવા આહ્વાન કરાયું

વડાપ્રધાન નરેન્દ્ર મોદીના જન્મદિવસ નિમિત્તે લાલપુરના શિવાજી નગર વિસ્તારમાં ‘સેવા સંકલ્પ અભિયાન’ હેઠળ ઘરે ઘરે દીપનું વિતરણ કરવામાં આવ્યું. આ અભિયાન તેમના રાષ્ટ્રસેવા, સુશાસન અને જનકલ્યાણને સમર્પિત ૨૫ વર્ષના સેવાકાળની ઉજવણીનો ભાગ હતો. આ અભિયાનનો મુખ્ય હેતુ દરેક ઘરમાં દીપ પ્રગટાવીને વડાપ્રધાન નરેન્દ્ર મોદીના જન્મદિવસની ઉજવણી કરવાનો હતો. આ માટે લોકોને દીપ પ્રગટાવવા આહ્વાન કરાયું હતું. આ પ્રસંગે જિલ્લા ભાજપ ઉપપ્રમુખ હીરજીભાઈ ચાવડા, જિલ્લા યુવા ભાજપ પ્રભારી અને સરપંચ જયેશભાઈ તેરૈયા, તાલુકા ભાજપ ઉપપ્રમુખ રમેશભાઈ ગમારા, લાલપુર ન્યાય સમિતિના ચેરમેન યોગેશભાઈ ચાવડા તેમજ તાલુકા ભાજપ બક્ષીપંચ મોરચાના પૂર્વ પ્રમુખ અતુલગીરી ગૌસ્વામી સહિતના આગેવાનો અને કાર્યકરો હાજર રહ્યા હતા.