મૃતકનો ગુનાહિત ઈતિહાસ તેના મોબ લિન્ચિંગને વાજબી ઠેરવી શકે નહીંઃ મુંબઈ હાઈકોર્ટ

મુંબઈમાં બોમ્બે હાઈકોર્ટે જૂની અદાવતમાં ટોળાં દ્વારા હુમલો કરી હત્યાના કેસમાં એક આરોપીની જામીન અરજી ફગાવી દીધી છે. કોર્ટે જણાવ્યું કે, મોબ લિંચિંગ કાયદાના શાસન પર પ્રહાર કરે છે અને તેને વ્યક્તિગત અદાવતનો સરળ કેસ ગણી શકાય નહીં. ન્યાયાધીશ મિલિંદ જાધવે નોંધ્યું કે આરોપી ટોળાને મૃતક પર હુમલો કરવા અને તેના ઘરને આગ લગાવવા સૂચના આપી રહ્યો હતો, અને પોતે પણ કુહાડીથી વારંવાર હુમલો કરતો હતો. મૃતકના શરીર પર 38 ઘા હતા.