ભાવનગર નકલી દારૂકાંડ મામલે જિગ્નેશ મેવાણીના આકરા પ્રહાર: કહ્યું, 'રાજ્યના ગૃહમંત્રી અને મુખ્યમંત્રી રાજીનામું આપે'

ભાવનગરમાં ઝેરી દારૂ પીવાથી 8 લોકોના મોત થયા છે અને 19થી વધુ સારવાર હેઠળ છે. વડગામના ધારાસભ્ય જિગ્નેશ મેવાણીએ હોસ્પિટલની મુલાકાત લીધી હતી. તેમણે મુખ્યમંત્રી અને ગૃહરાજ્ય મંત્રી હર્ષ સંઘવીના રાજીનામાની માંગ કરી, પોલીસ-બુટલેગરોની મિલીભગતનો આક્ષેપ કર્યો. સ્થાનિક ભાજપ નેતાઓની સંવેદનહીનતા પર પણ પ્રહારો કર્યા. તેમણે પોલીસ તપાસ સામે અવિશ્વાસ વ્યક્ત કર્યો.