વલસાડમાં જૈન સમાજની શોભાયાત્રામાં સાંસદ ધવલભાઈ પટેલ જોડાયા:ભગવાન મહાવીરના આશીર્વાદથી સૌના જીવનમાં સુખ-શાંતિ રહે તેવી પ્રાર્થના કરી

વલસાડમાં જૈન સમાજ દ્વારા આજે એક શોભાયાત્રાનું આયોજન કરાયું હતું. જેમાં સંસદસભ્ય ધવલભાઈ પટેલ પ્રભુભક્તો સાથે જોડાયા હતા. આ ભક્તિમય શોભાયાત્રામાં જૈન સમાજના શ્રદ્ધાળુઓ પણ મોટી સંખ્યામાં જોડાયા હતા. સાંસદ ધવલભાઈ પટેલે ભગવાન મહાવીરના ચરણોમાં નમન કરીને સૌના સુખ માટે પ્રાર્થના કરી હતી. આ અવસર ભગવાન મહાવીરના અહિંસા, સત્ય, અપરિગ્રહ અને કરુણાના સંદેશને જીવનમાં અપનાવવાની પ્રેરણા આપનારો હતો. આ શોભાયાત્રા આધ્યાત્મિક ભાવના અને ભક્તિથી ભરેલી રહી. આ પ્રસંગે ભગવાન મહાવીરના આશીર્વાદથી જૈન સમાજ અને તમામ નગરજનોના જીવનમાં સુખ, શાંતિ, સમૃદ્ધિ, આરોગ્ય અને આનંદ જળવાઈ રહે તેવી પ્રાર્થના કરાઈ હતી. જૈન સમાજની ધાર્મિક પરંપરા, સંસ્કૃતિ અને સંસ્કારોને દર્શાવતી આ શોભાયાત્રા ભક્તિ, શ્રદ્ધા અને સામાજિક એકતાનો સારો સંદેશ આપી ગઈ.