આદર્શ શૈક્ષણિક સંકુલમાં નવરાત્રી ઉત્સવ ઉજવાયો:વિવિધ વિભાગના વિદ્યાર્થીઓ મોટી સંખ્યામાં ગરબે ઘૂમ્યા, વિજેતાઓને ઇનામ અપાયા

શ્રી આદર્શ શૈક્ષણિક સંકુલમાં નવરાત્રી ઉત્સવનું આયોજન થયું. જેમાં પ્રાથમિક, માધ્યમિક, ઉચ્ચતર માધ્યમિક, સાયન્સ, DLSS, બી.એડ્., બીસીએ, બીએસસી, એમએસડબલ્યુ, એમએસસી આઈટી અને પીટીસી વિભાગના મોટી સંખ્યામાં વિદ્યાર્થીઓ ગરબામાં જોડાયા હતા. સૌપ્રથમ માતાજીની આરતી કરવામાં આવી હતી. ત્યારબાદ વિદ્યાર્થીઓએ એક તાળી અને ત્રણ તાળી રાસ લીધા હતા. દરેક વિભાગમાંથી વિદ્યાર્થીઓ ટ્રેડિશનલ કપડાં પહેરીને આવ્યા હતા. રાસ ગરબામાં સારું પ્રદર્શન કરનાર વિદ્યાર્થીઓને એક થી ત્રણ નંબર આપી ઇનામ અપાયા હતા. કાર્યક્રમના અંતે તમામ વિદ્યાર્થીઓને જલેબી અને ફાફડી ખવડાવવામાં આવી. આ પ્રસંગે તમામ ટ્રસ્ટીઓ, વિભાગના આચાર્યશ્રીઓ, અધ્યાપકશ્રીઓ અને શિક્ષકો હાજર રહ્યા હતા. તેમણે કાર્યક્રમને સફળ બનાવ્યો.