રાહુલ ગાંધી બોલ્યા- PM મોદી દેશદ્રોહી:ટ્રમ્પના ઈશારે કામ કરી રહ્યા છે; પંજાબમાં હત્યા કરવી ફેશન બની ગઈ, નશો ખતમ થયો નથી

પંજાબના સંગરૂરમાં કોંગ્રેસે ન્યાય રેલી યોજી. આ દરમિયાન કોંગ્રેસના નેતા રાહુલ ગાંધીએ કહ્યું કે PM નરેન્દ્ર મોદી દેશદ્રોહી છે. તેઓ અમેરિકાના રાષ્ટ્રપતિ ડોનાલ્ડ ટ્રમ્પના ઈશારે કામ કરી રહ્યા છે. આ દરમિયાન તેઓ પંજાબી ગાયક સિદ્ધૂ મૂસેવાલાના પિતા બલકૌર સિંહને મંચ પર લાવ્યા. રાહુલ ગાંધીએ કહ્યું કે સિદ્ધૂ મૂસેવાલા સાથે જે થયું, તે આજે પંજાબમાં એક ફેશન બની ગયું છે. પંજાબમાં નશાખોરી સૌથી મોટો મુદ્દો છે. ભગવંત માન દિલ્હીમાં હતા ત્યારે અમને જોક્સ સંભળાવતા હતા. સવારે 11 વાગ્યે તેમના મોઢામાંથી દારૂની દુર્ગંધ આવતી હતી. આ પહેલાં કોંગ્રેસ અધ્યક્ષ મલ્લિકાર્જુન ખડગેએ કહ્યું કે દેશમાં મતચોરી થઈ છે અને અનેક જગ્યાએ મતચોરોની સરકાર ચાલી રહી છે. તેમણે કહ્યું કે દિલ્હીમાં બેઠેલી સરકાર મતચોરોની સરકાર છે.