પંચમહાલ જિલ્લામાં 25 નવેમ્બરે જિલ્લા સ્વાગત કાર્યક્રમ યોજાશે:અરજદારો ફરિયાદો અને પ્રશ્નો માટે 10 નવેમ્બર સુધીમાં અરજી કરી શકાશે

પંચમહાલ જિલ્લા કક્ષાનો સ્વાગત ફરિયાદ નિવારણ કાર્યક્રમ આગામી 25 નવેમ્બર, 2026ના રોજ બુધવારે યોજાશે. ગોધરા સ્થિત કલેક્ટર કચેરીના સભાખંડમાં બપોરે 3:30 કલાકે યોજાનારા આ કાર્યક્રમમાં જિલ્લાના નાગરિકો પોતાના પ્રશ્નો અને ફરિયાદો રજૂ કરી શકશે. આ માટે અરજદારોએ આગામી 10 નવેમ્બર, 2026 સુધીમાં સંબંધિત કચેરીમાં રૂબરૂ અથવા ટપાલ મારફતે લેખિત અરજી મોકલવાની રહેશે. એક અરજીમાં એક જ ફરિયાદ રજૂ કરી શકાશે જિલ્લાના નાગરિકો, અરજદારો અને પ્રજાજનો પોતાના સેવાકીય પ્રશ્નો સહિતના પ્રશ્નો રજૂ કરી શકશે. જોકે, કોર્ટ મેટર, રહેમરાહે નોકરી અને પેન્શન સંબંધિત પ્રશ્નોનો આ કાર્યક્રમમાં સમાવેશ કરવામાં આવશે નહીં. અરજદારે એક અરજીમાં માત્ર એક જ ફરિયાદ કે પ્રશ્ન રજૂ કરવાનો રહેશે. અરજી અને તેના કવર પર સ્પષ્ટપણે 'જિલ્લા સ્વાગત ફરિયાદ નિવારણ કાર્યક્રમ' લખવાનું રહેશે. ઉપરાંત, અરજીમાં અરજદારનું પૂરું નામ, સરનામું અને ટેલિફોન અથવા મોબાઇલ નંબર ફરજિયાત દર્શાવવાનો રહેશે. તાલુકા કક્ષાએ રજૂઆત કર્યા બાદ જ જિલ્લા સ્વાગતમાં અરજી કરી શકાશે જિલ્લા સ્વાગત કાર્યક્રમમાં અરજી કરતાં પહેલાં અરજદારે સૌપ્રથમ તાલુકા કક્ષાના સ્વાગત કાર્યક્રમમાં પોતાના પ્રશ્નની રજૂઆત કરેલી હોવી જોઈએ. ત્યારબાદ જે કચેરીને લગતો પ્રશ્ન હોય ત્યાં પણ અરજી કરેલી હોવી જરૂરી છે. જો પ્રશ્ન જિલ્લા કક્ષાનો હોય તો સંબંધિત જવાબદાર અધિકારી સમક્ષ કરેલી રજૂઆતની નકલ પણ અરજી સાથે જોડવાની રહેશે. 10 નવેમ્બર સુધીમાં મળેલી અરજીઓનો જ સમાવેશ થશે જિલ્લા વહીવટી તંત્ર દ્વારા સ્પષ્ટ કરવામાં આવ્યું છે કે 10 નવેમ્બર, 2026 સુધીમાં પ્રાપ્ત થયેલી અરજીઓનો જ ચાલુ મહિનાના જિલ્લા સ્વાગત કાર્યક્રમમાં સમાવેશ કરવામાં આવશે. તેથી ફરિયાદ કે પ્રશ્ન રજૂ કરવા ઇચ્છતા અરજદારોએ નિયત સમયમર્યાદામાં અરજી મોકલવાની રહેશે. અરજદારે જાતે રૂબરૂ હાજર રહી રજૂઆત કરવી પડશે આ કાર્યક્રમમાં માત્ર એવા પ્રશ્નો રજૂ કરી શકાશે, જેનો નિર્ણય જિલ્લા કક્ષાએ લઈ શકાય તેમ હોય અને જે કોર્ટ મેટર ન હોય. વધુમાં, અરજદારે કાર્યક્રમ દરમિયાન જાતે રૂબરૂ હાજર રહી પોતાના પ્રશ્નની રજૂઆત કરવાની રહેશે. કોઈ વકીલ અથવા અન્ય વ્યક્તિ મારફતે રજૂઆત કરવાની મંજૂરી આપવામાં આવશે નહીં.