રાજકોટ જેલમાંથી પેરોલ પર ફરાર કેદી સુરેન્દ્રનગરમાંથી પકડાયો:9 સપ્ટેમ્બરે જેલમાં હાજર થવાને બદલે બહાર ફરી રહ્યો હતો

રાજકોટ મધ્યસ્થ જેલમાંથી પેરોલ રજા પર છૂટ્યા બાદ ફરાર થયેલા એક પાકા કામના કેદીને રાજકોટ રેન્જ ટીમે સુરેન્દ્રનગરથી પકડી પાડ્યો છે. આ કેદી નિયત તારીખે જેલમાં હાજર થયો ન હતો. પોલીસને મળેલી માહિતીના આધારે પાકા કામના કેદી ધર્મેશભાઈ રજનિકાંતભાઈ સોનીને પકડ્યો. ધર્મેશભાઈ સુરેન્દ્રનગરના અલ્કા ચોક, રૂપાળીમાના મંદિર પાસે, નવા જંકશન રોડના રહેવાસી છે. ધર્મેશભાઈ પેરોલ રજા પર હતા અને તેમને 9 સપ્ટેમ્બર, 2026ના રોજ જેલમાં પાછા ફરવાનું હતું. પરંતુ તેઓ હાજર ન થતા ફરાર થઈ ગયા હતા. તેમને સુરેન્દ્રનગર રીવરફ્રન્ટ નજીક આવેલા મેલડી માતાજીના મંદિર પાસેથી પકડી પાડવામાં આવ્યા. ધરપકડ બાદ તેમને સુરેન્દ્રનગર સિટી એ ડિવિઝન પોલીસ સ્ટેશનને સોંપવામાં આવ્યા છે. ત્યાંથી તેમને રાજકોટ મધ્યસ્થ જેલમાં હાજર કરવા માટે આગળની કાર્યવાહી કરવામાં આવશે.