શાળા નંબર 295 એ રાસ હરીફાઈમાં બીજો ક્રમ મેળવ્યો:નગર પ્રાથમિક શિક્ષણ સમિતિની સ્પર્ધામાં ઉધના ઝોન-બીનું ગૌરવ વધાર્યું

નગર પ્રાથમિક શિક્ષણ સમિતિ દ્વારા આયોજિત રાસ ગરબા અને લોક નૃત્ય સ્પર્ધામાં શાળા નંબર 295 એ રાસ વિભાગમાં બીજો ક્રમ મેળવ્યો. ઉધના ઝોન-બીની આ શાળાએ સરદાર સ્મૃતિ ભવન, વરાછા ખાતે ઉત્કૃષ્ટ પ્રદર્શન કર્યું. આ સ્પર્ધામાં જુદા જુદા ઝોનમાંથી પ્રથમ ક્રમ મેળવેલી કુલ 39 કૃતિઓ રજૂ થઈ હતી. શાળા નંબર 295ની કન્યાઓને નગર પ્રાથમિક શિક્ષણ સમિતિના ચેરમેન રાજેન્દ્રભાઈ કાપડિયા અને વાઈસચેરમેન રંજનાબેન ગોસ્વામીના હસ્તે 14000 રૂપિયાનો ચેક મળ્યો. શાળાના શિક્ષિકા બિંદીયાબેન, મીનાક્ષીબેન અને મનીષાબેને કોઈપણ કોરિયોગ્રાફર વગર બાળકોને તૈયાર કરવામાં મહત્વનો ભાગ ભજવ્યો. આચાર્ય પંકજભાઈની પ્રેરણા, બાળકીઓનો આત્મવિશ્વાસ અને સતત રિહર્સલથી સફળતા મળી. ઉપશિક્ષક રાજેન્દ્રભાઈ, દક્ષાબેન, બિંદિયાબેન, મીનાક્ષીબેન, મનીષાબેન અને મુખ્ય શિક્ષક પંકજભાઈ હરીફાઈ દરમિયાન હાજર રહી બાળકોનો ઉત્સાહ વધારતા રહ્યા, જ્યારે ઇનામ મેળવતી વખતે બાળકો ભાવુક થયા.