સીબીઆઈએ સુભાષ ચંદ્રા વિરુદ્ધ એફઆઈઆર દાખલ કરી, LIC સાથે જોડાયેલો છે મામલો

Subhash Chandra CBI FIR : સીબીઆઈએ ઝી ના સંસ્થાપક અને એસેલ ગ્રુપના ચેરમેન સુભાષ ચંદ્રા, ઘણી કંપનીઓ અને તેમના ડાયરેક્ટરો વિરુદ્ધ એફઆઈઆર નોંધી છે. સુભાષ ચંદ્રા પર આરોપ છે કે તેમણે લાઇફ ઇન્શ્યોરન્સ કોર્પોરેશન હાઉસિંગ ફાઇનાન્સ લિમિટેડ (LICHFL) પાસેથી લોન લેવા માટે તેમની નેટવર્થને વધારીને રજુ કરી હતી. આ લોન બાદમાં ડિફોલ્ટમાં થઇ ગઈ હતી, જેના કારણે સરકારી ધિરાણકર્તાને 1,322 કરોડ રૂપિયાથી વધુનું નુકસાન થયું હતું. સીબીઆઈની બેંકિંગ સિક્યોરિટીઝ ફ્રોડ બ્રાન્ચ દ્વારા 31 ઓગસ્ટે એફઆઈઆર નોંધવામાં આવી હતી. આ એફઆઈઆર LICHFL ના જનરલ મેનેજર નીતા મેન્ઘાનીની લેખિત ફરિયાદ પર આધારિત છે. 1322 કરોડ રૂપિયાથી વધુનું નુકસાન થયું એફઆઈઆરમાં LICHFL એ આરોપ લગાવ્યો છે કે વર્ષ 2018માં આપવામાં આવેલી બે લોનના કિસ્સામાં 1322 કરોડ રૂપિયાથી વધુનું નુકસાન થયું છે. સુભાષ ચંદ્રાએ આ લોન માટે કથિત રીતે વ્યક્તિગત ગેરંટી આપી હતી. નુકસાનની આ રકમમાં વ્યાજ અને અન્ય ચાર્જ પણ સામેલ છે. સુભાષ ચંદ્રા સિવાય વસંત સાગર પ્રોપર્ટીઝ પ્રાઇવેટ લિમિટેડ અને તેના ડાયરેક્ટર પંકજ સુરોલિયા, પેન ઈન્ડિયા ઇન્ફ્રાસ્ટ્રક્ચર પ્રાઇવેટ લિમિટેડ, ડિજિટલ સબ્સ્ક્રાઇબર મેનેજમેન્ટ એન્ડ કન્સલ્ટન્સી સર્વિસીસ પ્રાઇવેટ લિમિટેડ અને તેના ડાયરેક્ટર અમિષ પંડ્યા, સ્પિરિટ ઇન્ફ્રા પાવર અને મલ્ટી વેન્ચર્સ પ્રાઇવેટ લિમિટેડ અને તેના ડાયરેક્ટર રાજીવ ધોળકિયાનો સમાવેશ થાય છે. આ સિવાય અજાણ્યા સરકારી કર્મચારીઓ અને અન્ય લોકોને પણ આરોપી બનાવવામાં આવ્યા છે. ફરિયાદમાં કહેવામાં આવ્યું છે કે એલઆઈસી હાઉસિંગ ફાઇનાન્સે વસંત સાગર પ્રોપર્ટીઝ પ્રાઇવેટ લિમિટેડ અને પાન ઇન્ડિયા ઇન્ફ્રા પ્રોજેક્ટ્સ પ્રાઇવેટ લિમિટેડને 500 કરોડ રૂપિયાની લોનની સુવિધા આપી હતી. તેમણે ડિજિટલ સબ્સ્ક્રાઇબર મેનેજમેન્ટ એન્ડ કન્સલ્ટન્સી સર્વિસીસ પ્રાઇવેટ લિમિટેડ અને સ્પિરિટ ઇન્ફ્રા પાવર એન્ડ મલ્ટી વેન્ચર્સ પ્રાઇવેટ લિમિટેડને 480 કરોડ રુપિયાની લોન સુવિધા પણ આપી હતી. ફરિયાદમાં આરોપ લગાવવામાં આવ્યો છે કે બન્ને સુવિધામાં સુભાષ ચંદ્રા દ્વારા જાહેર કરાયેલા કંટીન્યૂઈંગ ગેરંટી (સતત ગેરંટી) પત્રોથી સુરક્ષિત હતી. પ્રથમ ગેરંટી 28 માર્ચ 2018 ના રોજ જારી કરવામાં આવી હતી અને બીજી 10 ઓગસ્ટ 2018 ના રોજ જારી કરવામાં આવી હતી. આરોપ શું છે? LICHFL એ આરોપ લગાવ્યો છે કે સુભાષ ચંદ્રાએ લોન લેતી કંપનીઓ, તેમના અધિકારીઓ અને ડાયરેક્ટરો સાથે મિલિભગત કરીને કથિત રીતે વધારે બતાવ્યું અને ખોટા નેટવર્થ દસ્તાવેજોના આધારે ધિરાણકર્તાને લોન આપવા માટે સમજાવ્યા હતા. ફરિયાદમાં ભંડોળના દુરુપયોગ અને ગેરરીતિનો પણ આરોપ લગાવવામાં આવ્યો છે, જેમાં દાવો કરવામાં આવ્યો છે કે વસૂલાતની કાર્યવાહીને નિષ્ફળ બનાવવા માટે વ્યક્તિગત ગેરંટરની સંપત્તિને હટાવી દેવામાં આવી હતી. એલઆઈસી હાઉસિંગ ફાઇનાન્સે આરોપ લગાવ્યો છે કે આ લોન સુવિધાઓ સુભાષના નેટવર્થ સર્ટિફિકેટના આધારે આપવામાં આવી હતી. વસંત સાગર લોનના કિસ્સામાં ફરિયાદમાં કહેવામાં આવ્યું છે કે 28 માર્ચ 2018ના સર્ટિફિકેટમાં તેમની નેટવર્થ 6197.62 મિલિયન અમેરિકન ડોલર દર્શાવવામાં આવી હતી, જે દસ્તાવેજમાં 31 માર્ચ 2017 સુધીમાં લગભગ 59,113.21 કરોડ રૂપિયા બતાવવવામાં આવી હતી. બીજી લોન સુવિધા માટે 6 જુલાઈ 2018ના રોજ આપવામાં આવેલા સર્ટિફિકેટમાં તેમની નેટવર્થ 40562 રૂપિયા દર્શાવવામાં આવી હતી. Ather એ 200 કિમી રેન્જ વાળું ઇલેક્ટ્રિક સ્કૂટર લોન્ચ કર્યું, જાણો કિંમત અને ફિચર્સ ફરિયાદમાં એવો પણ આરોપ લગાવવામાં આવ્યો છે કે સુભાષના પર્સનલ ઇન્સોલ્વન્સી રિઝોલ્યુશન સંબંધિત કાર્યવાહી દરમિયાન તેમણે એલઆઈસી હાઉસિંગ ફાઇનાન્સને સોંપવામાં આવેલા પ્રમાણપત્રમાં દર્શાવવામાં આવેલી નેટવર્થ હોવાનો ઇનકાર કર્યો હતો. ફરિયાદમાં કહેવામાં આવ્યું છે કે તેમણે દાવો કર્યો હતો કે 2024 માં તેની નેટવર્થ 31.79 કરોડ રૂપિયા હતી અને 2017-18માં પણ તેની નેટવર્થ 40,000 કરોડ રૂપિયાથી વધુ ન હતી. લોન બંને સુવિધાઓમાં ડિફોલ્ટ એફઆઈઆરમાં નોંધવામાં આવ્યું છે કે બંને લોન સુવિધાઓમાં ડિફોલ્ટ થયો. ફરિયાદમાં વસંત સાગર સુવિધા માટે 570.50 કરોડ રૂપિયાની બાકી રકમનો ઉલ્લેખ કરવામાં આવ્યો છે, જ્યારે ડિજિટલ સબ્સ્ક્રાઇબર સુવિધા માટે બાકી રકમ 507.25 કરોડ રૂપિયા છે. કુલ કથિત ખોટા નુકસાનનો અંદાજ 1322 કરોડ રૂપિયા હોવાનો અંદાજ છે.