સુરેન્દ્રનગરમાં કલેક્ટરના અધ્યક્ષસ્થાને સમીક્ષા બેઠક યોજાઈ:30 ઓક્ટોબરે કિસાન દિવસે 65 કાર્યક્રમો યોજાશે; પીએમ કિસાન યોજનાના 24મા હપ્તાનું વિતરણ કરાશે

સુરેન્દ્રનગર જિલ્લા કલેક્ટર સોલંકીના અધ્યક્ષસ્થાને કિસાન દિવસ અને રાષ્ટ્રીય એકતા દિવસની ઉજવણીના આયોજન માટે મહત્વની બેઠક યોજાઈ હતી. કલેક્ટર કચેરીના સભાખંડમાં મળેલી આ બેઠકમાં તમામ વિભાગોના અધિકારીઓ હાજર રહ્યા હતા. આ ઉજવણી અંતર્ગત જિલ્લા પંચાયતની દરેક બેઠક દીઠ 2 કાર્યક્રમ અને 1 મુખ્ય જિલ્લા કક્ષાનો કાર્યક્રમ મળીને કુલ 65 કાર્યક્રમો યોજવાનું સુઆયોજિત આયોજન હાથ ધરવામાં આવ્યું છે. કિસાન દિવસ અને હપ્તાનું વિતરણ આગામી 30 ઓક્ટોબરે કિસાન દિવસ નિમિત્તે જિલ્લાભરમાં યોજાનારા કાર્યક્રમોમાં પીએમ કિસાન સન્માન નિધિ યોજનાના 24મા હપ્તાનું ખેડૂતોને વિતરણ કરવામાં આવશે. બનાસકાંઠા ખાતે વડાપ્રધાનની ઉપસ્થિતિમાં યોજાનારા રાષ્ટ્રીય કક્ષાના કાર્યક્રમનું સુરેન્દ્રનગર જિલ્લામાં સ્થળ પર જીવંત પ્રસારણ પણ કરવામાં આવશે. આ પ્રસંગે ખેડૂત કલ્યાણ લક્ષી વિવિધ માહિતી પૂરી પાડવામાં આવશે. રાષ્ટ્રીય એકતા દિવસની ઉજવણી ત્યારબાદ 31 ઓક્ટોબરે રાષ્ટ્રીય એકતા દિવસની ઉજવણી ગ્રામ્ય, નગરપાલિકા અને મહાનગરપાલિકા કક્ષાએ કરવામાં આવશે. આ નિમિત્તે દરેક ગામમાં એકતા રેલી યોજવા, વધુમાં વધુ લોકોની ભાગીદારી સુનિશ્ચિત કરવા તેમજ સ્ટેચ્યુ ઓફ યુનિટી ખાતેના મુખ્ય કાર્યક્રમનું જીવંત પ્રસારણ બતાવવા તંત્રને સૂચનાઓ આપવામાં આવી છે. સમાજમાં શ્રેષ્ઠ યોગદાન આપનાર નાગરિકોને આ પ્રસંગે બહુમાન કરી સન્માનિત કરવામાં આવશે. જરૂરી વ્યવસ્થાઓ અંગે સૂચના ઉજવણીના સ્થળો પર વીજળી, પીવાનું પાણી અને અન્ય જરૂરી પાયાની વ્યવસ્થાઓ સમયસર પૂર્ણ કરવા કલેક્ટર દ્વારા અધિકારીઓને આદેશ આપવામાં આવ્યા છે. કલેક્ટરે બંને કાર્યક્રમોની સફળતા માટે તમામ વિભાગોને પરસ્પર સંકલન રાખીને આગોતરું આયોજન કરવા ભાર મૂક્યો હતો. અધિકારીઓની ઉપસ્થિતિ આ સમીક્ષા બેઠકમાં જિલ્લા વિકાસ અધિકારી યાજ્ઞિક, મ્યુનિસિપલ કમિશનર જાદવ, નિવાસી અધિક કલેક્ટર સાકરીયા તેમજ જિલ્લા ગ્રામ વિકાસ એજન્સીના નિયામક ભાવેશ દવે સહિત વિવિધ વિભાગોના ઉચ્ચ અધિકારીઓ વિશેષ ઉપસ્થિત રહ્યા હતા.