વડોદરામાં 5મા માળેથી કૂદીને ધો.10ની વિદ્યાર્થિનીનો આપઘાત! સ્કૂલેથી ઘરે પહોંચતા જ ભર્યું અંતિમ પગલું, કારણ અકબંધ

વડોદરામાં ધોરણ-10માં અભ્યાસ કરતી 15 વર્ષીય વિદ્યાર્થિનીએ મકરપુરાની રાધે રેસિડેન્સીમાં પોતાના મકાનના પાંચમા માળેથી કૂદીને આપઘાત કર્યો છે. સ્કૂલથી ઘરે આવ્યા બાદ તેણે ટેરેસ પરથી નીચે પડતું મૂક્યું હતું, જેથી ઘટનાસ્થળે જ તેનું મોત નીપજ્યું હતું. મકરપુરા પોલીસે મૃતદેહનો કબજો મેળવી વધુ તપાસ હાથ ધરી છે. આ ઘટનાથી પરિવાર અને વિસ્તારમાં શોક વ્યાપી ગયો છે.