દેવભૂમિ દ્વારકામાં જન્માષ્ટમીએ શ્રદ્ધાળુઓની કિંમતી ચીજવસ્તુઓ ચોરતી ગેંગના 15 સાગરીતો ઝડપાયા, 1.87 લાખનો મુદ્દામાલ જપ્ત

દેવભૂમિ દ્વારકામાં જન્માષ્ટમી પર્વ દરમિયાન શ્રદ્ધાળુઓની ભીડનો લાભ ઉઠાવી ચોરી કરતી 2 ગેંગના 15 સાગરીતોને જિલ્લા SOG પોલીસે ઝડપી પાડ્યા છે. પકડાયેલા આરોપીઓ પાસેથી ₹71,310 રોકડા અને 14 મોબાઈલ ફોન મળી કુલ ₹1,86,810 નો મુદ્દામાલ જપ્ત કરાયો છે. અમદાવાદ અને આસપાસના વિસ્તારોમાંથી આવેલા આ શખસો અગાઉ પણ ગંભીર ગુનાઓમાં પકડાઈ ચૂક્યા છે.