16 વર્ષની સગીરાનું શારીરિક શોષણ:35 વર્ષીય પરિણીત આરોપીને 20 વર્ષની કેદ, સગીરાને 4 લાખ વળતર

અમદાવાદના નારણપુરા પોલીસ મથકે વર્ષ 2024માં ગોતા ખાતે રહેતા 35 વર્ષીય આરોપી પિયુષ જેઠવા સામે IPC અને પોક્સો એક્ટ અંતર્ગત ગુનો નોંધાયો હતો. જેનો કેસ અમદાવાદ સિટી સેશન્સ કોર્ટ ખાતે આવેલી પોક્સોની વિશેષ અદાલતમાં ચાલી જતા કોર્ટે આરોપીને દોષિત ઠેરવ્યો છે. ઉત્તરાયણના તહેવારે આરોપીનું પીડિતા પર દુષ્કર્મ કેસની વિગતે જોતા આરોપી પરિણીત અને એક બાળકનો પિતા છે. જ્યારે પીડિતા 16 વર્ષની સગીરા હતી. રસોઈના કામ સાથે સંકળાયેલી પીડિતાના માતા-પિતાએ ઉત્તરાયણના દિવસે સગીરાને આરોપીના ઘરે ટિફિન આપવા મોકલી હતી. ત્યારે આરોપીની પત્ની પિયર ગઈ હતી. તેનો લાભ લઈને તેને પીડિતા સાથે દુષ્કર્મ આચર્યું હતું અને ધમકી આપી હતી. અનેક છોકરાઓ સાથે સંબંધ રાખે છે આરોપી અગાઉ પણ પીડિતા સોશિયલ મીડિયા વાપરતી હોવાથી, તે અનેક છોકરાઓ સાથે સંબંધ રાખે છે અને આ અંગે તે તેના ઘરના લોકોને જણાવી દેશે તેમ કહીને તેની સાથે શારીરિક સંબંધો બાંધ્યા હતા. એક વખત આરોપીની પત્ની તેને પોતાના ઘરે લઈ ગઈ હતી. ત્યારે પણ આરોપીએ સગીરા સાથે શારીરિક સંબંધ બાંધ્યા હતા. આરોપીને 20 વર્ષ કેદની સજા ફટકારી ઉપરોક્ત બનાવોથી કંટાળીને સગીરા તેના એક મિત્ર સાથે ભાગી ગઈ હતી. સ્પેશિયલ પોક્સો કોર્ટ જજ એચ.એન.દેસાઈએ સરકારી વકીલ દિલીપસિંહ.એમ. ઠાકોરની દલીલો પુરાવા અને સાહેદો ચકાસીને આરોપીને 20 વર્ષ કેદની સજા ફટકારી છે. તો સાથે જ પીડીતાને 4 લાખ રૂપિયા વળતર ચુકવવા ઓથોરિટીને હુકમ કર્યો છે.