6 મહત્વપૂર્ણ ઠરાવો અને અધ્યક્ષસ્થાનેથી રજૂ થયેલો પ્રસ્તાવ સર્વાનુમતે મંજુર:વિવિધ વિભાગોના 3 અધિકારી-કર્મીઓને આર્થિક સહાય અને કાયમી સફાઈ કામદારના વારસદારને રહેમરાહે નિમણૂક આપવા દરખાસ્ત

વિવિધ કર્મચારી કલ્યાણકારી નિર્ણયો અને વિકાસકાર્યોને મંજૂરી આજરોજ ભાવનગર મહાનગરપાલિકાની સાધારણ સભા મહાનગરપાલિકાના સભાગૃહ ખાતે મેયર ઉષાબેન તલરેજાના અધ્યક્ષસ્થાને મળી હતી, જેમાં અલગ અલગ 6 જેટલા ઠરાવો તથા એક ઠરાવ અધ્યક્ષ સ્થાને થી મૂકવામાં આવ્યા હતા અને સર્વાનુમતે મંજૂર કરવામાં આવ્યા હતા, ભાવનગર મહાનગરપાલિકાની સાધારણ સભામાં છ જેટલા ઠરાવો મૂકવામાં આવ્યા હતા જે સર્વાનુમતે મંજૂર કરવામાં આવ્યા હતા, જેમાં શહેરના વિકાસ, વહીવટી સરળતા તેમજ કર્મચારીઓના હિતને ધ્યાનમાં રાખીને અનેક મહત્વપૂર્ણ નિર્ણયો લેવામાં આવ્યા હતા અને કુલ છ કાર્યોને સર્વાનુમતે બહાલી આપવામાં આવી હતી, સાધારણ સભામાં ભાવનગર મહાનગરપાલિકાના વિવિધ વિભાગોમાં ફરજ બજાવતા ત્રણ અધિકારી-કર્મીઓને આર્થિક સહાય ચૂકવવાની મંજૂરી આપવામાં આવી છે, આ ઉપરાંત, સોલિડ વેસ્ટ મેનેજમેન્ટ વિભાગ દ્વારા કાયમી સફાઈ કામદારના વારસદારને ખાસ કિસ્સામાં રહેમરાહે નિમણૂક આપવા માટે સરકારમાં દરખાસ્ત મોકલવાની મંજૂરી પણ પ્રદાન કરવામાં આવી છે., આરોગ્ય વિભાગ હેઠળ કાર્યરત જન્મ-મરણ વિભાગ અને લગ્ન નોંધણી વિભાગમાં વહીવટી કામગીરી વધુ વેગવંતી બને તે હેતુથી ત્રણ કર્મચારીઓને 'સબ રજીસ્ટ્રાર' તરીકેની નિમણૂક આપવામાં આવી છે, ગુજરાત સરકારના નર્મદા જળ સંપત્તિ પાણી પુરવઠા અને કલ્પસર વિભાગના ઠરાવ અનુસાર, ખેડૂત અડવજદાર સ્ત્રીઓ તરફથી આવેલી અરજી અન્વયે પાકની સિંચાઈ માટે સિંચાઈ વિભાગના ધારાધોરણ મુજબ અકવાડા સ્થિત 19.2 એમએલડી એસટીપી (STP) માંથી શરતોને આધીન ટ્રીટેડ સેવેજ વોટર પૂરું પાડવાના પ્રસ્તાવને પણ મંજૂરી આપવામાં આવી છે, અધ્યક્ષસ્થાનેથી પૂર્વ નગરસેવક સ્વ. પ્રવીણભાઈ માંડણીયાનું તાજેતરમાં દુઃખદ નિધન થવાથી સભામાં શોક વ્યક્ત કરી શોક સભાનો ઠરાવ પસાર કરવામાં આવ્યો હતો, તેમજ રાજકોટ રોડ ફ્લાયઓવર બ્રિજ નીચે શરૂ કરવામાં આવેલા સ્પોર્ટ્સ એક્ટિવિટી સેન્ટરમાં ઉપલબ્ધ વિવિધ રમતો માટેના યુઝ ચાર્જીસ નક્કી કરવાના પ્રસ્તાવને સર્વાનુમતે મંજૂર કરવામાં આવ્યો છે, આ બેઠકમાં લેવાયેલા આ તમામ નિર્ણયોથી મનપાના વહીવટી કાર્યોમાં પારદર્શિતા આવશે તેમજ નાગરિકો અને કર્મચારીઓને સીધો લાભ મળશે.