61 મહિલાઓને સુપૌષ્ટિક કીટનું વિતરણ:ભાજપ પ્રદેશ અધ્યક્ષ જગદીશ વિશ્વકર્માના જન્મદિવસ નિમિત્તે વિશેષ કાર્યક્રમ યોજાયો

પંચમહાલ જિલ્લામાં ભારતીય જનતા પાર્ટીના પ્રદેશ અધ્યક્ષ જગદીશ વિશ્વકર્માના જન્મદિવસ નિમિત્તે એક વિશેષ કાર્યક્રમનું આયોજન કરવામાં આવ્યું હતું. આ કાર્યક્રમ અંતર્ગત મહિલાઓને સુપૌષ્ટિક કીટનું વિતરણ કરાયું. આ કાર્યક્રમ પંચમહાલ જિલ્લા ભાજપ લઘુમતી મોરચા દ્વારા આયોજિત કરવામાં આવ્યો હતો. જેમાં અંદાજિત 61 જેટલી સુપૌષ્ટિક કીટનું મહિલાઓને વિતરણ કરાયું હતું. આ પ્રસંગે લઘુમતી મોરચાના પ્રદેશ ઉપાધ્યક્ષ રિઝવાન મુલતાની, જિલ્લા પ્રમુખ મુસ્તુફા પુનાવાલા, જિલ્લા ઉપપ્રમુખ તાહિર હાજી, ગોધરા નગર પ્રમુખ નિર્મિત દેસાઈ તેમજ જિલ્લા મહામંત્રી શહીદ ખાન અને ગોધરા નગરપાલિકા વોર્ડ નંબર 6 ના સભ્ય ફાતિમાબેન પાઘડીવાલા સહિતના આગેવાનો અને કાર્યકરો ઉપસ્થિત રહ્યા હતા. જન્મદિવસની ઉજવણીને સામાજિક સેવા સાથે જોડીને મહિલાઓને સુપૌષ્ટિક કીટનું વિતરણ કરવાની આ પહેલને ઉપસ્થિત લોકો દ્વારા આવકારવામાં આવી હતી.