સમાણા ગામે તીનપત્તીનો જુગાર રમતા 8 ઝડપાયા:શેઠવડાળા પોલીસે બાવળના ઝાડ નીચેથી રૂ.10,200 રોકડ અને ગંજીપત્તા કબજે કર્યા

જામનગર જિલ્લાના જામજોધપુર તાલુકાના સમાણા ગામે શેઠવડાળા પોલીસે તીનપત્તીનો જુગાર રમતા 8 લોકોને ઝડપી પાડ્યા છે. પોલીસે બાવળના ઝાડ નીચે ચાલતા જુગારધામ પર દરોડો પાડ્યો હતો. પોલીસ પેટ્રોલિંગ દરમિયાન મળેલી બાતમીના આધારે આ કાર્યવાહી કરવામાં આવી હતી. સમાણા ગામથી ખટીયા ગામ તરફ જતા રસ્તે વીરાભાઈ કરમુરની ક્રિષ્ના ફાર્મ વાડી બહાર બાવળના ઝાડ નીચે જુગાર રમાતો હતો. દરોડા દરમિયાન સંજયભાઈ મકવાણા, કુંજનભાઈ ભાયાણી, મામૈયાભાઈ સુમાયત, મુળુભાઈ સુમાયત, શામળાભાઈ વીજાણી, સુખરાજભાઈ રવસી, શૈલેસભાઈ વસુનીયા અને ફકરૂભાઈ વસુનીયાને પકડી પાડવામાં આવ્યા હતા. પોલીસે તમામ આરોપીઓ પાસેથી અને જુગારના પટમાંથી કુલ રૂ.10,200 રોકડા અને ગંજીપત્તાના 52 પાના કબજે કર્યા હતા. આ અંગે શેઠવડાળા પોલીસ સ્ટેશનમાં જુગારધારા કલમ 12 હેઠળ ગુનો નોંધી વધુ તપાસ હાથ ધરવામાં આવી છે.