અમદાવાદ સહિત 8 જિલ્લાના શિક્ષકો-ST કર્મચારીઓ માટે ખુશખબર: હવે સોલા GMERSમાંથી મળશે બદલી માટેનું મેડિકલ સર્ટિફિકેટ

રાજ્ય સરકારે સરકારી કર્મચારીઓને તબીબી પ્રમાણપત્ર મેળવવામાં સરળતા રહે તે માટે સોલા GMERS હોસ્પિટલ ખાતે 3 સભ્યોનું નવું સ્થાયી તબીબી મંડળ રચવાની મંજૂરી આપી છે. આ નિર્ણયથી અમદાવાદ, ગાંધીનગર સહિત 8 જિલ્લાના શિક્ષણ વિભાગના શિક્ષકો અને GSRTCના અમદાવાદ, મહેસાણા, હિંમતનગર, પાલનપુર વિભાગના વર્ગ-3 અને 4ના કર્મચારીઓને સીધો લાભ મળશે. આનાથી અમદાવાદ સિવિલ હોસ્પિટલનું કાર્યભારણ પણ ઘટશે.