પાટણની ઉડાન વિદ્યાલયમાં 80મો સ્વાતંત્ર્ય દિન ઉજવાયો:ટ્રસ્ટીએ ધ્વજવંદન કર્યું, વિદ્યાર્થીઓએ સાંસ્કૃતિક કાર્યક્રમો રજૂ કર્યા

પાટણ શહેરના રૂની મુકામે આવેલ ઉડાન વિદ્યાલયમાં 80માં સ્વાતંત્ર્ય દિનની ઉજવણી કરવામાં આવી. શાળાના ટ્રસ્ટી ચેતનભાઈ દ્વારા ધ્વજવંદન અને રાષ્ટ્રગાન સાથે કાર્યક્રમનો પ્રારંભ થયો. ત્યારબાદ શાળાના વિદ્યાર્થીઓએ દેશભક્તિના ગીતો, સાંસ્કૃતિક કાર્યક્રમો, વક્તવ્ય અને વિવિધ દેશભક્તિ આધારિત પ્રસ્તુતિઓ રજૂ કરી. આ કાર્યક્રમ દરમિયાન ઘણા વિદ્યાર્થીઓએ પોતાની કલાત્મક પ્રતિભા દ્વારા સૌમાં દેશભક્તિની ભાવના જાગૃત કરી. આ પ્રસંગે શાળાના આચાર્યએ બાળકોને સ્વાતંત્ર્ય દિનના મહત્વ વિશે માર્ગદર્શન આપ્યું. તેમણે દેશની એકતા અને રાષ્ટ્રપ્રેમ જાળવી રાખવા માટે પણ પ્રેરણા આપી. કાર્યક્રમને સફળ બનાવવા માટે શિક્ષિકા બહેનોએ સઘન પ્રયાસો કર્યા હતા. સમગ્ર કાર્યક્રમ ઉત્સાહભેર અને શિસ્તબદ્ધ રીતે સંપન્ન થયો.