સુરેશ પાનસુરિયા અને તેના પરિવાર સામે 9.98 કરોડની છેતરપિંડી અંગે વડોદરામાં વધુ બે પોલીસ ફરિયાદ નોંધાઇ

Vadodara News: વડોદરા શહેરના હરણી-સમા લિંક રોડ પર આવેલી ‘SP ઇન્ફ્રા’ કંપનીની રિયલ એસ્ટેટ યોજનાઓમાં રોકાણકારો સાથે નાણાકીય છેતરપિંડીના મામલે વધુ બે પોલીસ ફરિયાદો નોંધાતાં ચકચાર મચી ગઈ છે. હરણી પોલીસ સ્ટેશન ખાતે અમરેલી જિલ્લા ભાજપના પૂર્વ ઉપપ્રમુખ સુરેશ પાનસુરિયા, તેમના પુત્ર મનીષ પાનસુરિયા તેમજ પ્રવીણ, કિશોર અને રવિ પાનસૂરિયા નામના ભાગીદારો સામે ગુના દાખલ કરવામાં આવ્યા છે. બંને ફરિયાદોમાં કુલ રૂ. 9.98 કરોડની રકમ સંકળાયેલી છે.