અમદાવાદ: ઓઢવમાં મહિલાને બદનામ કરવા ચલણી નોટો સાથે ચિઠ્ઠી ફેંકનાર ઝડપાયો, એકતરફી પ્રેમીનું કારસ્તાન

અમદાવાદના ઓઢવમાં એકતરફી પ્રેમમાં પાગલ રવિન્દ્ર પંચાલ ઝડપાયો છે. તેણે મહિલાને બદનામ કરવા 10, 20, 50 રૂપિયાની નોટો સાથે અભદ્ર વિગતોવાળી ચિઠ્ઠીઓ નરોડા, રામોલ, હાટકેશ્વર જેવા વિસ્તારોમાં ફેંકી હતી. 100થી વધુ CCTV ફૂટેજ તપાસી પોલીસે ફેબ્રિકેશન કારખાનાના માલિક આરોપીને પકડી પાડ્યો છે. તે મહિલાના દાંપત્યજીવનમાં કંકાસ કરાવવા માંગતો હતો.