અમદાવાદમાં ATM કાર્ડ બદલીને છેતરપિંડી કરતી હરિયાણાની મેવાતી ગેંગ ઝડપાઈ, પોલીસે 9 ગુનાઓ ઉકેલ્યા

અમદાવાદ પોલીસે ATM કાર્ડ બદલી લાખોની છેતરપિંડી કરતી હરિયાણાની મેવાતી ગેંગનો પર્દાફાશ કર્યો છે. નારોલ પોલીસ સ્ટેશનમાં નોંધાયેલી રૂ. 1.68 લાખની ફરિયાદના આધારે તપાસ કરતા, પોલીસે ઉત્તર પ્રદેશ અને હરિયાણાના 3 સાગરીતોને ઝડપી પાડ્યા છે. આ ટોળકી ATMમાં મદદના બહાને ખાસ કરીને વૃદ્ધો અને મહિલાઓને નિશાન બનાવતી હતી. પોલીસે ગુજરાત અને હરિયાણાના કુલ 9 ગુનાઓ ઉકેલી, રૂ. 9.5 લાખનું કૌભાંડ પકડ્યું છે.