અમદાવાદમાં સાબરમતી નદીના પટમાંથી જનરેટર અને ટ્રોલી ચોરનારી રાજસ્થાનની ગેંગ ઝડપાઈ

અમદાવાદના કોટારપુર ગામ નજીક સાબરમતી નદીના પટમાં આવેલા ઝાંપડી માતાજીના મંદિર પરિસરમાંથી 29 ઓગસ્ટે ઇલેક્ટ્રિક જનરેટર અને ટ્રોલીની ચોરી થઈ હતી. LCB ઝોન-2 ટીમે CCTV ફૂટેજના આધારે રાજસ્થાનના નાગૌર જિલ્લામાંથી મુકેશ અને રાકેશ ગોદારા નામના 2 આરોપીઓને ઝડપી પાડ્યા હતા. પોલીસે ચોરાયેલું જનરેટર અને ટ્રોલી રિકવર કરી, જ્યારે ત્રીજા આરોપી શેરુરામ ગોદારાની શોધખોળ ચાલુ છે.