બાવળા પાસે માર્બલની આડમાં ચાલતું દારૂનું મોટું નેટવર્ક પકડાયું: ₹13.31 લાખનો વિદેશી દારૂ જપ્ત, 3ની ધરપકડ

અમદાવાદ ગ્રામ્ય LCB ટીમે બાવળાના રજોડા ગામની સીમમાં "હનુમાનજી માર્બલ એન્ડ આર્ટ" ઓફિસના કંપાઉન્ડમાં દરોડો પાડ્યો હતો. માર્બલની આડમાં સંતાડેલો ₹13.31 લાખનો વિદેશી દારૂ અને બિયરનો જથ્થો ઝડપાયો. પોલીસે ₹10 લાખનો ટ્રક, સ્કૂટર અને 3 મોબાઈલ સહિત કુલ ₹24.46 લાખનો મુદ્દામાલ જપ્ત કર્યો છે. ચિંતનસિંહ, રમેશચંદ્ર અને કિશન ગુર્જર નામના 3 આરોપીઓની ધરપકડ કરી વધુ તપાસ હાથ ધરી છે.