બટાકાના ઘટતા ભાવથી ખેડૂતો પર સંકટ : સરકાર સમક્ષ તાત્કાલિક સહાયની માંગ

વડોદરા તાલુકા ભારતીય કિસાન સંઘે મુખ્યમંત્રી ભૂપેન્દ્ર પટેલને આવેદનપત્ર પાઠવી, બટાકાના ઘટતા ભાવ અને ખેડૂતોની આર્થિક મુશ્કેલીઓ રજૂ કરી છે. ચાલુ વર્ષે બટાકાનું મબલક ઉત્પાદન થતા ભાવ ગગડ્યા છે. કોલ્ડ સ્ટોરેજો ભરાઈ ગયા છે, જેથી ખેડૂતોને ઉત્પાદન ખર્ચ પણ મળતો નથી. કિસાન સંઘે તાત્કાલિક રાહત પેકેજ, લઘુત્તમ ટેકાના ભાવ અને સરકારી ખરીદીની માંગ કરી છે. 10 દિવસમાં યોગ્ય કાર્યવાહી નહીં થાય તો ઉગ્ર આંદોલનની ચીમકી ઉચ્ચારી છે.