ચાલવાના ઠેકાણા નથી અને કાર લઈને નીકળ્યો શખ્સ

રાજ્યમાં દારુબંધી છે ત્યારે બીજી તરફ આ દ્રશ્યો કાયદો અને વ્યવસ્થા સામે સવાલ ઊભા કરી રહ્યા છે. સંસ્કારી નગરી વડોદરાના માંડવી-પાણીગેટ વિસ્તારમાં નશાખોર શખ્સે આતંક મચાવ્યો હતો. નશો કરીને કાર હંકારીને રોડ પર શખ્સે આતંક મચાવતા અફરાતફરીનો માહોલ સર્જાયેલ. મહત્વનું છે કે રસ્તા વચ્ચે આ શખ્સે અચાનક કાર અટકાવી દેતા ટ્રાફિક જામના દ્રશ્યો સર્જાયા હતા. ત્યારબાદ તે કારમાંથી નીચે ઉતર્યો હતો અને લથડીયા ખાતો ચાલવા લાગતા લોકોમાં રોષ જોવા મળેલ. આવા શખ્સો સામે તાત્કાલિક અસરથી આકરા પગલા લેવાય તેવી લોકમાગ ઉઠવા પામી છે.