Delhiમાં H1N1ના 2,308 કેસ, CM રેખા ગુપ્તાએ યોજી ઈમરજન્સી બેઠક

દિલ્હીમાં H1N1 અને અન્ય ફ્લૂના વધતા કેસ વચ્ચે મુખ્યમંત્રી રેખા ગુપ્તાએ મંગળવારે દિલ્હીના આરોગ્ય વિભાગના અધિકારીઓ સાથે સમીક્ષા બેઠક યોજી હતી. બેઠક બાદ આરોગ્ય મંત્રી ડૉ. પંકજ સિંહે જણાવ્યું કે દિલ્હીમાં સ્થિતિ નિયંત્રણમાં છે અને લોકોને ગભરાવાની જરૂર નથી. હોસ્પિટલોમાં બેડ, ડૉક્ટર અને જરૂરી તબીબી સુવિધાઓ ઉપલબ્ધ હોવાનું તેમણે કહ્યું. H1N1ના 2,308 કેસ નોંધાયા આરોગ્ય મંત્રીના જણાવ્યા મુજબ, દિલ્હીમાં અત્યાર સુધી H1N1ના 2,308 કેસ નોંધાયા છે, જ્યારે અન્ય ફ્લૂના આશરે 650 કેસ સામે આવ્યા છે. આ રીતે કુલ ફ્લૂના કેસનો આંકડો લગભગ 3,000 સુધી પહોંચ્યો છે. સરકાર દ્વારા પરિસ્થિતિ પર સતત નજર રાખવામાં આવી રહી છે અને કેન્દ્ર સરકારની માર્ગદર્શિકાનું પાલન કરવામાં આવી રહ્યું છે. ફ્લૂના વાયરસના ફેલાવામાં વધારો થઈ શકે સરકારે લોકોને સાવચેતી રાખવા, ભીડવાળી જગ્યાઓથી બચવા અને જરૂરી હોય ત્યાં માસ્કનો ઉપયોગ કરવા જેવી સાવચેતી રાખવાની અપીલ કરી છે. નિષ્ણાતોના મતે, વરસાદી મોસમની ભેજ અને બંધ જગ્યાઓમાં ભીડને કારણે ફ્લૂના વાયરસના ફેલાવામાં વધારો થઈ શકે છે. દરમિયાન, ભારતીય આયુર્વિજ્ઞાન અનુસંધાન પરિષદ (ICMR)એ સ્પષ્ટ કર્યું છે કે ભારતમાં H1N1નો કોઈ નવો સ્ટ્રેન ફેલાતો નથી. ICMRએ આપી આ સલાહ હાલમાં જોવા મળતો વાયરસ 2025થી પ્રચલિત જાણીતા સ્ટ્રેન સાથે સંબંધિત છે અને મોટાભાગના કેસમાં બીમારી હળવી રહે છે. ICMRએ ખાસ કરીને બાળકો, વૃદ્ધો અને અન્ય જોખમી જૂથોને વધુ સાવચેતી રાખવાની સલાહ આપી છે. આરોગ્ય વિભાગે પણ સ્થિતિ પર સતત દેખરેખ રાખવાની ખાતરી આપી છે. આ પણ વાંચો : Patnaમાં વિદ્યાર્થીઓનું ઉગ્ર પ્રદર્શન, પોલીસે લાઠીચાર્જ કર્યાનો આરોપ