દૂધના ટેન્કર અને કાર વચ્ચે ધ્રૂજાવી મૂકતો અકસ્માત, પત્તરા ચીરીને મૃતદેહોને બહાર કાઢ્યા

લુણાવાડા-સંતરામપુર રોડ પર ભયાનક અકસ્માત સર્જાયો હતો. રાફઈ ગામ નજીક કાર અને દૂધના ટેન્કર વચ્ચે ગમખ્વાર અકસ્માત સર્જાાતા અફરાતફરીનો માહોલ ફેલાયો હતો. આ અકસ્માત એટલો ભયાનક હતો કે કારનો કચ્ચરઘાણ નીકળી ગયો હતો. સાથે જ કારમાં સવાર 3 લોકોના ઘટના સ્થળે જ કમકમાટીભર્યા મૃત્યુ નિપજ્યા હતા. મહત્વનું છે કે કારની હાલત કાગળના ડૂચા જેવી થતી જતાં કારમાં ફસાયેલા લોકોને પતરા ચીરીને બહાર કાઢવામાં આવ્યા હતા. જો કે બનાવની જાણ થતાં જ સ્થાનિક પોલીસનો કાફલો તાત્કાલિક ઘટના સ્થળે દોડી આવ્યો હતો અને કાર ચાલકો ક્યાના હતા અને ક્યાં જઈ રહ્યા હતા તે અંગે તપાસ આદરી છે.